Mae Cyswllt yn trefnu o leiaf bedwar digwyddiad bob blwyddyn sy’n rhoi cyfle i’r aelodaeth glywed a holi siaradwyr sy’n amlwg yn y maes cyfathrebu yng Nghymru. Mae’r Gymdeithas hefyd yn cyfuno cyfarfodydd â chyfleoedd i ymweld ag adeiladau a safleoedd arbennig megis Tŷ’r Cyffredin a Thŷ’r Arglwyddi, Canolfan y Mileniwm, Llyfrgell Genedlaethol Cymru a’r Senedd ym Mae Caerdydd. Yn ogystal â’r cyfle i wrando ar siaradwyr dylanwadol, mae digwyddiadau Cyswllt yn gyfle i ddod i adnabod pobl ac i rwydweithio â chyfathrebwyr proffesiynol eraill.